ang “kultura” at “popular” sa kulturang popular…


(sipi mula sa tinalakay na papel, “Kritika/Kultura/Popular: Ang Kulturang Popular ng Kritika at Kritika ng Kulturang Popular” sa Seryeng Panayam Br. Andrew Gonzalez, FSC noong Nobyembre 2009 sa DLSU)

Popular

Alam kong alam nyo na kung ano ang ibig sabihin ng popular, ng sikat, ng uso, “in” ngayon – lahat ng salitang ito’y nagpapahiwatig sa kasalukuyan. Ibig sabihin ang specific time frame o fixated time marker natin ay kung ano ang sikat, uso, at in ngayon at wala nang ibang panahon pa, walang noon, walang hinaharap na time frame. Basta sa kasalukuna lamang.

Kung tutuusin simpleng sikolohiya ng panahon ang terminong popular. Kumbaga nag-iisip tayo sa ngayon, umiiral tayo sa ngayon, naiimpluwensiyahan tayo ng maraming bagay at tao sa ngayon, binabagabag tayo ng maraming problema sa ngayon, lahat talaga sa ngayon. Samakatuwid ang salitang “popular” sa kulturang popular ay walang ibang pinapatungkulan kundi ang “kasalukuyan”, ang “ngayon”.

 Kultura

Samantala, hindi naman pwedeng maging independent variable o isolated conceptual marker ang “panahon/kasalukuyan/ngayon” lamang, dapat may ka-konsepto ito na kaya nating unawain at lingunin nang pabalik-balik kahit na ba sabihin ng iba na mahirap unawain yan. Ang tinutukoy ko po rito’y ang terminong “kultura”.  Isa sa pinakamahirap ng terminong i-define ay kultura ayon kay Raymond Williams. Sa aking pag-unawa, ang simpleng interpretasyon ng kultura ay “lokasyon/pook/espasyo/sityo” at ang kaakibat nitong pag-iral, kabuluhan, esensiya dahil sa kamalayan at pisikal na presensiya ng tao. Ibig sabihin ang kultura sa kulturang popular ay panandaliang nagkakaroon ng saysay dahil sa tao, mula sa tiyak niyang pag-iral sa lokasyon/espasyong kinalalagyan niya (tao: mrt, tao: kompyuter, tao: media, tao: pelikula, etc. etc.) hanggang sa malay niyang pagturing sa mga ito bilang bahagi ng kanyang buhay, pamumuhay at pag-inog sa mundong ito dahil marahil ito ang kanyang natatanging realidad (ito ang totoo sa kanya habang binabagtas niya ang kanyang karanasan sa kasalukuyan).

Sa madaling salita, ang kultura ay kombinasyon ng pag-iral ng materyal sa isang lokasyon at pinapalagay na lokasyon, pag-iral ng tao habang nakaintersek siya sa iba’t ibang materyal na ito, at ang kamalayan at karanasang nalilikha mula rito.

 Hihimayin ko muna ang materyalidad ng kultura. Hahatiin ko ito sa dalawang saray o antas: ang first order materiality o unang saray ng materyalidad at second order materiality o ikalawang saray ng materyalidad.

 Dalawang saray ng materyalidad

 Ito ang first-order materiality o pisikal o materyal na nakatambad sa atin sa isang lokasyon/pook – mga gusali, NLEX, SLEX, kalsada, mall, village, subdivision, palengke, ukay-ukay, parke, zoo, istasyon ng TV, atbp. Ang second-order materiality na ini-internalize natin sa isipan at kalooban natin dahil hindi naman nakatambad ang mga ito o di nakatirik ang mga ito sa isang lokasyon o pook, kundi nililikha ito bunga ng functionality ng first-order materiality. Ibig sabihin mula pisikal na bagay tungo sa ibang anyo o forma ng materyalidad. Halimbawa, tunog, ingay o musika na likha ng radyo, ipod, paligid/kalikasan, choir, orchestra; telebiswal na karanasan na nakatali sa panonood siyempre natin ng TV; cinematic na karanasan dahil sa sinehan o mula sa DVD player at TV; at virtual na karanasan tulad ng online game, chat, facebook, youtube atbp na mula sa internet o cyberspace at nagkakaroon ng second-order na materyalidad dahil sa kompyuter/laptop/palmtop.

About these ads

11 responses to “ang “kultura” at “popular” sa kulturang popular…

  1. daming post ah. napadaan lang. :-)

  2. salamat sa pagbibigay ng karagdagang kaalaman tungkol sa kulturang popular.. literatura at kulturang popular ang subject na itinuturo ko sa departamento ng Filipino….sa lecture ko laging kong iniuugnay ang rehiyunal na panitikan dahil nasa mindanao kami…

    • Dear Mai,

      maraming salamat, hayaan mo’t ilalabas ko sa blog kong ito ang ilan pang sipi ng mga papel ko na may kinalaman sa kulturang popular at kritika nito.

  3. ok. tnks again… happy sunday

  4. Sir,
    Thanks sa info… first time ko po na ituturo ang Kulturang Popular at malaking tulong ang inyong blog. Mabuhay po kayo!!!

  5. Thanks talaga sa info….. nadagdagan po ang aking itinuro sa asignaturang “kulturang popular”…..sanay may dagdag pa!

  6. Maraming salamat at tiyak na magagamit ko ito sa aking research sa paaralang gradwado, kung iyong pahihintulutan.

    Matutulungan mo pa ba ako sa aking research na may kinalaman sa Kulturang Popular?

  7. first time kong magkaroon ng pagkakataong maituro ang Kulturang Popular sa Undergraduate dito sa Cagayan State University,Pagkatingin ko ng silabus ay hindi ko maintindihan kung paano ang pagkasunusd-sunod ng mga p-aksang ituro lalo pa at walang makuhang sanggunian.

  8. Maraming salamat at ito’y lubusang nakatulong sa aking pagtuturo ng Filipino sa Araling Kulturang Popular.

  9. maraming salamat itoy lubos na nakatulong sa aking panahunang papel ngayong summer classes namin.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s