bangungot na ligaw


rhod v. nuncio

 

Nagpasya akong magising

Sa hilakbot ng dilim, habang

Nasa dulo pa ng aking tenga ang naimpit kong sigaw

Nang sa malikmata’y lumuluha ka ng dugo,

Nababalutan ng tinik ang dilang pinatigas,

Pinaikli, sinabuyan ng kusot at buhangin.

 

Namulatan kong humahangos ka

Walang saplot, tangan ang banig na

Winisikan ng tamod, pawis at sipon

Niyakap kita nang mahigpit,

Inugoy-ugoy sa aking balikat, tumatangis

Bumubulong, nagmamakaawa:

Sa pagpikit ng mata’y naduwal kang bigla.

 

Ngayon, ngayon na, naaalipungatan

Hubo’t hubad din ako, nagkikikisay ang kalamnan,

Bali-bali ang mga buto, basag ang bungo

Samantalang sa dulo ng kuweba,

Naririnig ko ang tinig ng saklolo,

Ngunit malayo na ako, malayong-malayo.

bangungot na ligaw

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s